സീതേ പോയതെങ്ങു നീ...
ജനകാത്മജെ പറയൂ...
വൈദേഹി നീ, രാമപ്രാണേശ്വരി നീ..
ജനകാത്മജേ പറയൂ..
വിണ്ണിലും കണ്ടില്ല, മണ്ണിലും കണ്ടില്ല
ഭൂവിലും കണ്ടില്ല നിന്നെ
സീതേ.. പാതാളഭൂവിലും കണ്ടില്ല നിന്നെ!
രാമനോ തേടീ.. വലഞ്ഞു വല്ലാതെ
ജാനകി പോയതെങ്ങു നീ
ജാനകീ.. പോയതെങ്ങു നീ..
ജനകാത്മജേ പറയൂ..
രാജാവല്ലേ രാഘവന് മാനിനി
ജനഹിതം രാജധര്മമല്ലേ..
പൊറുക്കവയ്യാത്തതോ ദാശരഥന്നുടെ
തെറ്റ് കുറ്റങ്ങള് മാനശീലെ!
നിന്നെപ്പിരിഞ്ഞൊരു രാമനില്ലെന്നത്
രാജകുമാരി നീ.. മറന്നതെന്തേ!
ജനകാത്മജേ പറയൂ..
വാമാംഗത്തില് രാഘവന് ചാര്ത്തി
കറവിട്ട രാജകലയല്ലേ..
പാവന നിന്നെയാശ്രീരാമനറിഞ്ഞത്ര
പൃഥ്വിയ്ക്കുപോലും എങ്ങറിവാന് !
വിടചൊല്ലുംന്നേരം മക്കളങ്ങുള്ളതും
ഒരമ്മയാം നീയെന്തേ ഓര്ത്തുമില്ല..
ജനകാത്മജേ പറയൂ..
No comments:
Post a Comment